VR samþykkir kjarasamninga

Kjarasamningar VR og atvinnurekenda, sem undirritaðir voru 21. desember síðastliðinn, voru samþykktir í atkvæðagreiðslu félagsmanna VR sem lauk á hádegi 20. janúar.

Þátttaka í atkvæðagreiðslu vegna kjarasamnings VR og Samtaka atvinnulífsins var rúm 13 prósent og um 55 prósent þeirra sem tóku þátt sögðu já. 42 prósent sögðu nei og um 2 prósent tóku ekki afstöðu eða skiluðu auðu. 

Kjarasamningur VR og Félags atvinnurekenda var samþykktur með tæpum 60 prósent atkvæða og var kosningaþátttaka um 19 prósent. 

Eins og fram hefur komið á Vísi hafa samningarnir verið felldir á Húsavík og í Vestmannaeyjum.