Prófessorar samþykktu nýjan samning

„Talningu lauk í morgun og var þátttaka virkilega góð,“ segir Rúnar Vilhjálmsson, formaður Félags prófessora við ríkisháskóla, en prófessorar samþykktu nýjan kjarasamning í morgun.

Boðuðu verkfalli sem standa átti dagana 1. - 15. desember, var frestað þann 25. nóvember. Þá var gengið var frá kjarasamningi við samninganefnd ríkisins.

Í atkvæðagreiðslunni tóku 81% prófessora þátt eða 252 af 313.

„Niðurstaðan var mjög afgerandi en 95,6% sem greiddu atkvæði samþykktu samninginn. 4,4% þeirra höfnuðu honum. Ég lít svo á að menn telji að ekki hafi verið hægt að ganga lengra að svo stöddu,“ segir Rúnar.

Hann bendir samt sem áður á að samningurinn sé stuttur og honum verður fylgt eftir í byrjun næsta árs.

„Þessi samningur endar í lok febrúar og þá halda viðræður áfram. Það er hugmyndin að þá verði gerður lengri samningur og vonumst við til þess að þurfa ekki að grípa til samskonar aðgerða.“