Margrét Erla Maack annaðist veislustjórn, árshátíðardans var sýndur og hlýddu nemendur á ræður frá Þorsteini Guðmundssyni, hátíðarræðumanni og Sigmari Aroni Ómarssyni, inspector scholae.
Seinna um kvöldið fór fram dansleikur, einnig í Gullhömrum, og léku Logi Pedro & Benni B-Ruff, Young Karin og Danni Deluxe fyrir dansi. Aðalatriði kvöldsins voru hljómsveitin Stuðmenn sem komu saman og skemmtu gestum á sinn einstaka hátt.
Stemningin var gríðarlega góð eins og sést á meðfylgjandi myndum sem Ljósmyndafélag Skólafélagsins tók en það skipa þær Elísabet Tara Guðmundsdóttir, Lára Gunnlaugsdóttir og Kristín Viktoría Magnúsdóttir.
