Verktökulæknar sem fara út á land fá um 900 þúsund á viku Jóhanna Margrét Einarsdóttir skrifar 1. október 2014 08:00 Ráðamenn segja nauðsynlegt fyrir heilsugæsluna á landsbyggðinni að fá verktökulækna til starfa. Án þeirra væri læknaskortur á landsbyggðinni. Mynd/Getty Verktökulæknar sem fara út á land í afleysingar á heilsugæslustöðvum fá um 900 þúsund krónur í laun á viku, samkvæmt heimildum Fréttablaðsins. Víða á landsbyggðinni eru heilsugæslustöðvar mannaðar með því að fá lækna til starfa í verktöku. Til að fylla allar fastar stöður heimilislækna úti á landi með fastráðnum læknum vantar um 40 lækna. Ýmsir fastráðnir sérgreinalæknar og heimilislæknar á höfuðborgarsvæðinu fara til starfa úti á landi í skamman tíma. Það gera þeir í sumarleyfum, í vaktafríum eða þegar þeir hafa safnað upp frítökurétti. Menn geta því drýgt föstu launin sín með því að fara út á land. Menn vilja ekki ræða opinskátt um hvað læknar fá í laun, en læknir sem hefur tekið að sér að skipuleggja slíka þjónustu fyrir heilbrigðisstofnanir á landsbyggðinni segir að verktökulaunin geti verið 900 þúsund krónur á viku. Þá er miðað við að læknirinn sé á sólarhringsvöktum alla vikuna og sjái sjálfur um að greiða skatta og önnur gjöld af launum sínum.Kristján Þór Júlíusson.Kristján Þór Júlíusson heilbrigðisráðherra segir að launatölur upp á 900 þúsund á viku hljómi nokkuð háar við fyrstu sýn. „Það verður þó að hafa í huga að inni í þessari tölu, eftir því sem ég best veit, er gert ráð fyrir launatengdum gjöldum, lífeyrisskuldbindingum, sumar- og námsleyfum auk þess sem viðkomandi hefur ekki rétt á launuðu veikindaleyfi. „Ég tel að við núverandi aðstæður sé þetta úrræði nauðsynlegt. Það er betra að hafa lækni á staðnum en hafa engan lækni,“ segir ráðherra og bætir við að þeir sem stjórni heilsugæslunni telji þetta ódýrara en að hafa fastráðna lækna á staðnum og hafi fært fyrir því ágætis rök. „Það breytir hins vegar ekki þeirri staðreynd að við viljum að sjálfsögðu hafa fastráðna heimilislækna úti á landi,“ segir Kristján. „Við höfum mannað norðanvert Snæfellsnesið með verktökulæknum. Þessir staðir eru mannaðir með læknum sem eru í fullu starfi annars staðar en nota frítökuréttinn sinn til að koma til starfa hjá okkur,“ segir Þórir Bergmundsson, yfirlæknir hjá Heilbrigðisstofnun Vesturlands. Hann segir launakjör verktökulæknanna trúnaðarmál en það sé hagkvæmt að fá þá til starfa. Það sé enginn halli á rekstrinum þar sem verktökulæknar séu við störf, þar sé reksturinn í jafnvægi. „Ef við berum þetta saman við að hafa fastráðna lækna þá er þetta mjög hagkvæmt fyrir stofnunina. Við sleppum við að greiða launatengd gjöld, veikindarétt, námsfrí og annað sem læknar eiga rétt á samkvæmt kjarasamningum,“ segir Þórir. Hann segir þó að þetta sé ekki sú staða sem menn kjósi. „Okkur vantar heimilislækninn sem viðhefur hin gömlu og góðu gildi. Hann þekkir sjúklingana og fjölskyldur þeirra og hefur því mikla yfirsýn yfir sjúkrasögu þeirra,“ segir Þórir. Á Heilbrigðisstofnun Norðurlands á Blönduósi hafa menn fjögurra ára reynslu af því að manna lausar stöður heimilislækna með verktökulæknum. Valbjörn Steingrímsson, forstöðumaður tekur undir með Þóri að það sé hagkvæmt að manna með verktakalæknum. Það kosti minna en vera með fastráðna lækna. „Þetta kerfi hefur reynst afar vel hér. Þetta eru frábærir læknar sem koma til okkar og manna þær stöður sem eru lausar. Á meðan verktökulæknarnir koma hingað þá er ekki hægt að tala um læknaskort hér,“ segir Valbjörn og bætir við hann telji að fólk fái að mörgu leiti betri þjónustu með þessu kerfi. „Hér kemur hjartalæknir, lungnalæknir, innkirtlafræðingur og fleiri sérgreinalæknar. Það kemur fjölbreyttur hópur lækna með mismunandi reynslu. Að fá svo fjölbreyttan hóp lækna er gott fyrir það fólk sem við þjónum hér í Húnavatnssýslum,“ segir Valbjörn. Mest lesið Leigan fyrir 100 fermetra hús í Grindavík 62.500 á mánuði Innlent Ágreiningur innan stjórnarinnar brýst upp á yfirborðið Erlent Manni bjargað úr sjónum í nótt eftir að bátur hans sökk Innlent Vilja sinna Íslendingum á Spáni betur Innlent „Blaut tuska í andlit Félags eldri borgara í Reykjavík“ Innlent Meinleysisgrey sem séu lífríkinu afar mikilvæg Innlent Forsetavaktin 2024: Hver verður sjöundi forseti lýðveldisins? Innlent Slapp við meiðsli á höfði og hrygg Innlent Segir rangt að gjaldskylda á nagladekk sé í skoðun Innlent Skoða hvort flutningaskip hafi hvolft bátnum Innlent Fleiri fréttir Fólk muni ekki borga 200 þúsund fyrir „heimili sem það notar sem sumarbústað“ Skoða hvort flutningaskip hafi hvolft bátnum Skikkar ríkislögreglustjóra til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Mikill meirihluti hlynntur dánaraðstoð Fátt ef nokkuð stöðvar eldislaxinn Segir seinlæti First Water stórfurðulegt Hæstiréttur segir tíma í flugvél vera vinnutíma Vill ræða brottvísun til Nígeríu í nefnd: „Skelfileg ásýnd á þessu máli“ Gjörbreytt bílpróf en segja hvergi slegið af kröfum Fagna framfaraskrefi ráðherra en vilja afnema tilvísanakerfið Þórdís í sendinefnd til Georgíu vegna umdeildra laga Maðurinn fannst heill á húfi Hundaskítur fyrir utan kosningamiðstöð Baldurs vekur spurningar Skilur uppnám skólasamfélagsins í Laugardal en horfa þurfi á staðreyndir Sjá meira
Verktökulæknar sem fara út á land í afleysingar á heilsugæslustöðvum fá um 900 þúsund krónur í laun á viku, samkvæmt heimildum Fréttablaðsins. Víða á landsbyggðinni eru heilsugæslustöðvar mannaðar með því að fá lækna til starfa í verktöku. Til að fylla allar fastar stöður heimilislækna úti á landi með fastráðnum læknum vantar um 40 lækna. Ýmsir fastráðnir sérgreinalæknar og heimilislæknar á höfuðborgarsvæðinu fara til starfa úti á landi í skamman tíma. Það gera þeir í sumarleyfum, í vaktafríum eða þegar þeir hafa safnað upp frítökurétti. Menn geta því drýgt föstu launin sín með því að fara út á land. Menn vilja ekki ræða opinskátt um hvað læknar fá í laun, en læknir sem hefur tekið að sér að skipuleggja slíka þjónustu fyrir heilbrigðisstofnanir á landsbyggðinni segir að verktökulaunin geti verið 900 þúsund krónur á viku. Þá er miðað við að læknirinn sé á sólarhringsvöktum alla vikuna og sjái sjálfur um að greiða skatta og önnur gjöld af launum sínum.Kristján Þór Júlíusson.Kristján Þór Júlíusson heilbrigðisráðherra segir að launatölur upp á 900 þúsund á viku hljómi nokkuð háar við fyrstu sýn. „Það verður þó að hafa í huga að inni í þessari tölu, eftir því sem ég best veit, er gert ráð fyrir launatengdum gjöldum, lífeyrisskuldbindingum, sumar- og námsleyfum auk þess sem viðkomandi hefur ekki rétt á launuðu veikindaleyfi. „Ég tel að við núverandi aðstæður sé þetta úrræði nauðsynlegt. Það er betra að hafa lækni á staðnum en hafa engan lækni,“ segir ráðherra og bætir við að þeir sem stjórni heilsugæslunni telji þetta ódýrara en að hafa fastráðna lækna á staðnum og hafi fært fyrir því ágætis rök. „Það breytir hins vegar ekki þeirri staðreynd að við viljum að sjálfsögðu hafa fastráðna heimilislækna úti á landi,“ segir Kristján. „Við höfum mannað norðanvert Snæfellsnesið með verktökulæknum. Þessir staðir eru mannaðir með læknum sem eru í fullu starfi annars staðar en nota frítökuréttinn sinn til að koma til starfa hjá okkur,“ segir Þórir Bergmundsson, yfirlæknir hjá Heilbrigðisstofnun Vesturlands. Hann segir launakjör verktökulæknanna trúnaðarmál en það sé hagkvæmt að fá þá til starfa. Það sé enginn halli á rekstrinum þar sem verktökulæknar séu við störf, þar sé reksturinn í jafnvægi. „Ef við berum þetta saman við að hafa fastráðna lækna þá er þetta mjög hagkvæmt fyrir stofnunina. Við sleppum við að greiða launatengd gjöld, veikindarétt, námsfrí og annað sem læknar eiga rétt á samkvæmt kjarasamningum,“ segir Þórir. Hann segir þó að þetta sé ekki sú staða sem menn kjósi. „Okkur vantar heimilislækninn sem viðhefur hin gömlu og góðu gildi. Hann þekkir sjúklingana og fjölskyldur þeirra og hefur því mikla yfirsýn yfir sjúkrasögu þeirra,“ segir Þórir. Á Heilbrigðisstofnun Norðurlands á Blönduósi hafa menn fjögurra ára reynslu af því að manna lausar stöður heimilislækna með verktökulæknum. Valbjörn Steingrímsson, forstöðumaður tekur undir með Þóri að það sé hagkvæmt að manna með verktakalæknum. Það kosti minna en vera með fastráðna lækna. „Þetta kerfi hefur reynst afar vel hér. Þetta eru frábærir læknar sem koma til okkar og manna þær stöður sem eru lausar. Á meðan verktökulæknarnir koma hingað þá er ekki hægt að tala um læknaskort hér,“ segir Valbjörn og bætir við hann telji að fólk fái að mörgu leiti betri þjónustu með þessu kerfi. „Hér kemur hjartalæknir, lungnalæknir, innkirtlafræðingur og fleiri sérgreinalæknar. Það kemur fjölbreyttur hópur lækna með mismunandi reynslu. Að fá svo fjölbreyttan hóp lækna er gott fyrir það fólk sem við þjónum hér í Húnavatnssýslum,“ segir Valbjörn.
Mest lesið Leigan fyrir 100 fermetra hús í Grindavík 62.500 á mánuði Innlent Ágreiningur innan stjórnarinnar brýst upp á yfirborðið Erlent Manni bjargað úr sjónum í nótt eftir að bátur hans sökk Innlent Vilja sinna Íslendingum á Spáni betur Innlent „Blaut tuska í andlit Félags eldri borgara í Reykjavík“ Innlent Meinleysisgrey sem séu lífríkinu afar mikilvæg Innlent Forsetavaktin 2024: Hver verður sjöundi forseti lýðveldisins? Innlent Slapp við meiðsli á höfði og hrygg Innlent Segir rangt að gjaldskylda á nagladekk sé í skoðun Innlent Skoða hvort flutningaskip hafi hvolft bátnum Innlent Fleiri fréttir Fólk muni ekki borga 200 þúsund fyrir „heimili sem það notar sem sumarbústað“ Skoða hvort flutningaskip hafi hvolft bátnum Skikkar ríkislögreglustjóra til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Mikill meirihluti hlynntur dánaraðstoð Fátt ef nokkuð stöðvar eldislaxinn Segir seinlæti First Water stórfurðulegt Hæstiréttur segir tíma í flugvél vera vinnutíma Vill ræða brottvísun til Nígeríu í nefnd: „Skelfileg ásýnd á þessu máli“ Gjörbreytt bílpróf en segja hvergi slegið af kröfum Fagna framfaraskrefi ráðherra en vilja afnema tilvísanakerfið Þórdís í sendinefnd til Georgíu vegna umdeildra laga Maðurinn fannst heill á húfi Hundaskítur fyrir utan kosningamiðstöð Baldurs vekur spurningar Skilur uppnám skólasamfélagsins í Laugardal en horfa þurfi á staðreyndir Sjá meira