Þrír nýir framkvæmdastjórar ráðnir við Heilbrigðisstofnun Suðurlands

Gengið hefur frá ráðningu þriggja nýrra framkvæmdastjóra við Heilbrigðisstofnun Suðurlands en ný Heilbrigðisstofnun Suðurlands (HSU) var stofnuð 1. október 2014 með sameiningu Heilbrigðisstofnunar Suð-Austurlands (HSSa), Heilbrigðisstofnunar Suðurlands (HSu) og Heilbrigðisstofnunar Vestmannaeyja (HSVe).

Sameiningin mun formlega taka gildi 1. janúar 2015. Starfstöðvar nýrrar stofnunar eru alls níu á tíu stöðum á Suðurlandi. Fjöldi starfsmanna er ríflega 500 manns og ný stofnun þjónar um 26 þúsund íbúum.

Esther Óskardóttir hefur verið sett í stöðu framkvæmdastjóra fjármála frá 1. janúar 2015 til eins árs. Anna María Snorradóttir hefur verið skipuð í stöðu framkvæmdastjóra hjúkrunar frá 1. janúar 2015 til 5 ára og Sigurður Hjörtur Kristjánsson í stöðu framkvæmdastjóra lækninga frá 1. janúar 2015 til fimm ára.