Chuck: Gamall blindur maður myndi standa sig betur

Chukwudi Chijindu, framherji Þórs, betur þekktur sem Chuck, var gríðarlega óánægður með Vilhjálm Alvar Þórarinsson, dómara leiks Stjörnunnar og Þórs í kvöld. Vilhjálmur dæmdi aukaspyrnu á Þór á 93. mínútu sem Pablo Punyed skoraði sigurmark leiksins úr.

Bæði lið þurftu á stigum að halda og virtist allt stefna í að liðin skyldu jöfn eftir að Shawn Nicklaw jafnaði metin í upphafi seinni hálfleiks. Vilhjálmur Alvar dæmdi hinsvegar aukaspyrnu fyrir brot á Garðari Jóhannssyni í uppbótartíma í seinni hálfleik við vítateigsbogann en tilefnið virtist vera lítið.

Punyed steig upp á réttum tíma og skrúfaði boltann í fjærhornið skömmu áður en Vilhjálmur Alvar flautaði til leiksloka. Leikmenn Þórs voru gríðarlega ósáttir og neyddist Vilhjálmur til þess að spjalda einn leikmann Þórs eftir að leik lauk.

Chuck var gríðarlega ósáttur ásamt stuðningsmönnum Þórs en samantekt af tístum þeirra má sjá hér fyrir neðan.

Wooooooow!! They make u feel like you're watching a completely different match! Where do they find these dudes??

— Chukwudi Chijindu (@ItsChuckMate) August 11, 2014

Ok ok. Let's go to Bonus tmrw.. Find the OLDEST dude there, preferably without eyes. Bet he could do better. Who's down? Smh

— Chukwudi Chijindu (@ItsChuckMate) August 11, 2014

Alveg jafnvitlaus dómur að dæma þessa aukaspyrnu og að dæma rangstöðu #pepsi365 #fotbolti

— Snorri Sigurðsson (@snorrisig24) August 11, 2014

Dómarinn bauð Stjörnunni 3 stig sem þeir nýttu sér með fallegri aukaspyrnu! #fotboltinet #fotbolti #DómarannÍBann

— Sigurður Markús (@siggimarkus) August 11, 2014