Bókmenntaverðlaun til Reykjavíkur

Bókmennntaverðlaun Norðurlandaráðs eru veitt ár hvert höfundi bókmenntaverks á norrænu tungumáli og þykja ein virtustu bókmenntaverðlaun heims.

Norræna húsið í Reykjavík mun því héðan í frá annast daglega umsjón beggja bókmenntaverðlauna Norðurlandaráðs en fyrir er í húsinu skrifstofa Barna- og unglingabókmenntaverðlauna Norðurlandaráðs.

Aðstandendur Norræna hússins segja að hin nýja staðsetning skrifstofunnar feli í sér mikla viðurkenningu á bókmenntastarfi Norræna hússins, sem meðal annars hýsir stærsta bókasafn sinnar tegundar á Norðurlöndunum.

Bókmenntaverðlaun Norðurlandaráðs hafa sjö sinnum hlotnast íslenskum rithöfundum frá því verðlaunin voru fyrst veitt ári 1962, nú síðast  Gyrði Elíassyni árið 2011 fyrir bók hans, Milli trjánna.