Giggs: Bale getur orðið bestur í sögunni

Ryan Giggs, aðstoðarknattspyrnustjóri Manchester United, telur að samlandi sinn Gareth Bale geti orðið besti knattspyrnumaður í sögunni.

Bale var allt í öllu í 2-1 sigri Wales gegn Kýpur í undankeppni EM 2016 í gærkvöldi, en hann lagði upp sigurmarkið með magnaðri hælspyrnu.

„Hann er heimsklassa leikmaður sem gæti gengið inn í hvaða lið sem er. Hann er leikmaður sem vinnur fyrir þig leiki,“ segir Ryan Giggs við WalesOnline.

„Hann gæti orðið sá besti í söguni. Hann verður bara jafngóður og hann vill verða því hann býr yfir svo ótrúlegum hæfileikum.“

„Gareth spilar fyrir frábært félag og stendur sig mjög vel þar sem og fyrir Wales,“ segir Ryan Giggs um dýrasta knattspyrnumann sögunnar.