Innlent

Gæsluvarðhald framlengt um fjórar vikur

Sunna Karen Sigurþórsdóttir skrifar
Leiddur fyrir dómara í Héraðsdómi Reykjavíkur í dag.
Leiddur fyrir dómara í Héraðsdómi Reykjavíkur í dag. vísir/vilhelm
Gæsluvarðhald yfir manninum sem grunaður er um að hafa orðið eiginkonu sinni að bana á heimili þeirra í Breiðholti í lok síðasta mánaðar var í Héraðsdómi Reykjavíkur í dag framlengt um fjórar vikur, eða til 14. nóvember næstkomandi. Er það gert á grundvelli almannahagsmuna. 

Maðurinn hefur staðfastlega haldið fram sakleysi sínu og heldur því fram að konan hafi svipt sig lífi. Samkvæmt upplýsingum frá lögreglunni var þrengt að öndunarvegi konunnar svo hún hlaut bana af. Samkvæmt heimildum fréttastofu var notast við einhvers konar band eða snæri við verknaðinn.

Rannsókn málsins er að mestu lokið að sögn Kristjáns Inga Kristjánssonar, aðstoðaryfirlögregluþjóns hjá Lögreglunni á höfuðborgarsvæðinu.


Tengdar fréttir

Segir eiginkonu sína hafa svipt sig lífi

Maðurinn sem grunaður er um að hafa orðið eiginkonu sinni að bana í Stelkshólum á laugardag, heldur því fram að konan hafi tekið eigið líf. Hann hefur staðfastlega haldið fram sakleysi sínu í skýrslutökum hjá lögreglu.

Maðurinn úrskurðaður í gæsluvarðhald

Maðurinn sem grunaður er um að hafa orðið eiginkonu sinni að bana var í Héraðsdómi Reykjavíkur í dag úrskurðaður í gæsluvarðhald til 17. október næstkomandi.

Geðrannsókn á manninum hafin

Maðurinn sem grunaður er um að hafa orðið eiginkonu sinni að bana undirgengst nú geðmat en yfirheyrslur yfir honum eru enn ekki hafnar.

Eiginmaðurinn leiddur grátandi út af lögreglu

Maðurinn sem úrskurðaður var í gæsluvarðhald í gær, grunaður um að hafa orðið eiginkonu sinni að bana, neitar sök. Hjónunum er lýst sem venjulegu fjölskyldufólki. Vinur þeirra hringdi í Neyðarlínuna.

Heldur enn fram sakleysi

Engar formlegar yfirheyrslur hafa verið yfir manninum sem grunaður er um að hafa orðið konu sinn að bana í Stelkshólum þann 27. september.

Talinn hafa kyrkt konuna

Börn hjónanna, tveggja og fimm ára voru á heimilinu, en þeim hefur verið komið í viðeigandi umönnun hjá barnaverndaryfirvöldum.

„Virkilega vinalegt og gott fólk“

Nágranni hjónanna í Stelkshólum í Breiðholti segir allt hafa verið með kyrrum kjörum á stigaganginum í gærkvöld. Hann talaði við hjónin síðdegis í gær og sagði ekkert benda til þess að harmleikur væri yfirvofandi.

Mest lesið


Fleiri fréttir

Sjá meira


×

Mest lesið