Ragnar skoraði í jafntefli

Ragnar Sigurðsson skoraði í jafntefli FC Krasnodar gegn stórliðinu Zenit frá Pétursborg í efstu deildinni í rússneska fótboltanum í dag.

Ragnar kom Krasnodar yfir eftir sjö mínútna leik og Pavel Mamaev tvöfaldaði forystu Krasnodar fjórtán mínútum síðar.

Javi Garcia, fyrrum leikmaður Manchester City, minnkaði muninn fyrir Zenit og Hulk jafnaði metin eftir klukkutíma leik.

Ezequiel Garay fékk að líta rauða spjaldið tuttugu mínútum fyrir leikslok, en Ragnar og félagar náðu ekki að nýta sér liðsmuninn. Lokatölur 2-2.

Eftir leikinn er Krasnodar í  í fimmta sæti deildarinnar, en Zenit eru efstir með 26 stig og hafa ekki tapað leik.