Adolf gefur ekki kost á sér áfram

Adolf Guðmundsson, lögmaður og framkvæmdastjóri Gullbergs ehf. á Seyðisfirði, hefur tilkynnt stjórn LÍÚ að hann gefi ekki kost á sér til áframhaldandi formennsku í sambandinu.

Adolf hefur verið formaður stjórnar LÍÚ frá árinu 2008, eða í sex ár.

Í tilkynningu frá LÍÚ kemur fram að Kolbeinn Árnason, framkvæmdastjóri LÍÚ, þakki Adolf fyrir vel unnin störf fyrir hönd félagsmanna.

Aðalfundur LÍÚ verður haldinn 30. og 31. október 2014 á Hilton Reykjavík Nordica. Á fundinum er hluti stjórnarmanna kosinn til þriggja ára. Formaður er kosinn sérstaklega til eins árs í senn.