Hjartadagshlaupið haldið í áttunda sinn

Hjartadagshlaupið var haldið í áttunda sinn í Kópavogi síðastliðinn sunnudag. Metfjöldi tók þátt eða ríflega 270 manns.  Hlaupið hófst við Kópavogsvöll og lá leiðin út á Kársnes og endaði á hlaupabrautinni á Kópavogsvelli. Stemningin var góð enda lék veðrið við þátttakendur.

Í fimm kílómetra hlaupinu voru sigurvegarar Ingvar Hjartarson sem hljóp á 16:55 min og Andrea Kolbeinsdóttir á tímanum 18:37. Í 10 km hlaupinu sigraði Arndís Ýr Hafþórsdóttir í kvennaflokki á 38:43 min og Geir Ómarsson á 35:43 mínútum.

Strax í kjölfars hlaupsins var gengin Hjartaganga um Kópavogsdal undir leiðsögn Garðyrkjustjóra Kópavogs, Friðriks Baldurssonar.

Hlaupið var haldið í tilefni alþjóðlegs hjartadags en hann er haldinn 29. september  ár hvert. Á Íslandi sameinast Hjartavernd, Hjartaheill, Neistinn og Heilaheill um að halda daginn hátíðlegan.