Innlent

Frímerkjasafnari fékk frímerki með sjálfum sér

Þórhildur Þorkelsdóttir skrifar

Íslenskur frímerkjasafnari vann til alþjóðlegra verðlauna fyrir frímerkjasafn sitt í Seoul í Suður-Kóreu í byrjun mánaðar, en sjötíu virtir frímerkjasafnarar víðsvegar að úr heiminum tóku þátt í sýningunni.

Sigtryggur Rósmar Eyþórsson vann verðlaunin fyrir frímerkjasafn sitt, Icelandic postal stationary, en það eru íslensk bréfspjöld frá árunum 1879 til 1920 með mismunandi verðgildi. Bréfspjöldin voru gefin út af póstþjónustunni og flokkast sem frímerki.

Er þetta í fyrsta sinn semÍslendingur tekur þátt í heimssýningunni í Suður-Kóreu, en þáttökukröfur eru afar strangar og gullverðlaunin því mikill heiður.

Auk verðlaunapenings og verðlaunagrips frá kóresku póstþjónustunni fékk Sigtryggur í verðlaun frímerkjaörk með mynd af honum sjálfum, sem gjaldgeng eru í Suður Kóreu.

Hér má sjá frímerkin sem Sigtryggur prýðir.

Sigtryggur vill þó ekki gefa upp neitt um verðmæti safnsins, sem hann hefur ferðast með víða um heim.

Frímerkjasöfnun var vinsæl meðal ungmenna hér á árum áður, en Sigtryggur segir að söfnunin sé nú á undanhaldi og mun minna um hana en áður. Hann hvetur þó ungu kynslóðina til að kynna sér frímerkjasöfnun, og bendir á að Klúbbur skandinavíusafnara stendur fyrir ókeypis frímerkjafræðslu og námskeiðum hálfsmánaðarlega í Seljakirkju.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.