Vill vita innkaupastefnu Rimlakjara

Helgi Hrafn Gunnarsson, þingmaður Pírata, vill vita hvernig innkaupastefnu og verðlagningu er háttað í versluninni Rimlakjörum. Verslunin er staðsett á Litla-Hrauni.

Þingmaðurinn spyr líka um hversu margir fangar fá fæðispeninga og elda ofan í sig sjálfir og hvaða fjárhæð þeir hafa úr að spila. Helgi Hrafn vill einnig vita hvaða aðra möguleika fangar hafa varðandi mat, til dæmis hvort þeir geti fengið matarbakka.

Fyrirspurninni beinir hann til  Hönnu Birnu Kristjánsdóttur innanríkisráðherra.