Hjólaði hundrað þúsund kílómetra og fékk köku

Stefán Stefánsson ákvað fyrir nítján árum að honum skyldi takast að hjóla hundrað þúsund kílómetra. Þeim áfanga náði hann þegar hann hjólaði í vinnuna í morgun en Stefán er starfsmaður Gæðabaksturs - Ömmubaksturs.

Stefán hefur því hjólað vegalengd sem jafngildir tveimur og hálfum hring umhverfis jörðina. Að meðaltali hjólaði Stefán 5263 kílómetra á ári, 101 kílómetra á viku og 14 kílómetra á dag.



Samstarfsfélagar hans hjá Gæðabakstri skelltu í einu köku handa Stefáni í tilefni dagsins.