Star Wars-stjörnur í köldu vatni

Það er víst enginn of gamall til þess að tala þátt í hinni víðfrægu Ice Bucket Challenge eða Ísfötuáskoruninni en sá nýjasti til þess að leggja ALS Samtökunum lið er 72 ára gamli leikarinn Harrison Ford.

Ford tekur þátt eftir að töluvert af samleikurum hans í nýju Star Wars-myndinni ákváðu að taka þátt og skoruðu á hann. Meðal þeirra leikara sem tekið hafa þátt eru til dæmis Mark Hamill, Peter Mayhew og vélmennið R2-D2 en þeir hafa það allir sameiginlegt að leika í nýju myndinni.

Í myndbandinu er Ford klæddur þægilega en hann þurfti að taka sér pásu frá tökum fyrr á þessu ári þegar hann ökklabrotnaði á setti.

Myndbandið má sjá hér að neðan.