Innlent

Biðin eftir handleggjum strembin

Hanna Rún Sverrisdóttir skrifar
Guðmundur hefur búið í Frakklandi frá því síðasta sumar og beðið þess að komast á lista eftir líffæragjöfum.
Guðmundur hefur búið í Frakklandi frá því síðasta sumar og beðið þess að komast á lista eftir líffæragjöfum.
„Ég býst við að verða skráður á lista eftir líffæragjöfum í næstu viku,“ segir Guðmundur Felix Grétarsson, sem bíður eftir handaágræðslu í Lyon í Frakklandi. Guðmundur segir biðina hafa verið strembna.

Guðmundur missti handleggina og slasaðist lífshættulega þegar hann fékk 11 þúsund volta rafstraum í gegnum sig. Hann féll átta metra niður á frosna jörð í janúar 1998.

Guðmundur flutti til Frakklands síðasta sumar þar sem hann hefur beðið eftir því að komast á lista eftir líffæragjafa. Biðin hefur verið talsvert lengri en hann vonaði í upphafi. Það er ekki fyrr en Guðmundur er kominn á listann sem farið verður að leita að líffæragjafa.

Allur búnaður verður sérsmíðaður fyrir aðgerðina og segir Guðmundur að heildarkostnaður verði um 60 milljónir króna en inni í því er kostnaður vegna endurhæfingar. Guðmundur hefur verið í samandi við Velferðarráðuneytið og gerir ráð fyrir að geta komið heim og farið í endurhæfingu hér á landi, að minnsta kosti að hluta.


Tengdar fréttir

Mál handaþegans leysast

Guðmundur Felix Grétarsson, sem bíður þess í Frakklandi að fá hendur, var í vandræðum; gat ekki fengið íbúð nema hafa pening og ekki pening nema hafa íbúð, vegna gjaldeyrislaga. Seðlabankinn hefur gripið inn í málið.

Guðmundur Felix á flæðiskeri staddur

Guðmundur Felix Grétarsson, sem missti báða handleggi í hörmulegu vinnuslysi fyrir fimmtán árum, er á flæðiskeri staddur í Frakklandi þar sem hann bíður eftir handaágræðslu.

Keikur þrátt fyrir frestun á handaaðgerð

Útlit er fyrir að Guðmundur Felix Grétarsson fari ekki á biðlista eftir höndum fyrr en í september en upphaflega var áætlað að hann færi á listann í næsta mánuði.

Handaþegi í klemmu í Lyon

Guðmundur Felix Grétarsson, er nú í sérkennilegri stöðu sem helst má kenna við Catch 22, en hann bíður nú eftir að komast í aðgerð þar sem græddir verða á hann handleggir og hendur.

Mest lesið


Fleiri fréttir

Sjá meira


×

Mest lesið