Af hverju er svona friðsælt og af hverju er svona dýrt á Íslandi?

Af hverju er svona friðsælt á Íslandi? Er ein þeirra spurninga um Ísland sem oftast er spurt að á leitarsíðunni Google samkvæmt frétt Huffington Post.

Google heldur utan um upplýsingar þess sem leitað er að og þannig er hægt að finna út hvaða málefni það eru sem fólk leitar oftast upplýsinga um.

Blaðamaður sló inn leitarorðunum: „Why is Iceland so“ og þá kemur upp að vinsælast er að spyrja af hverju Ísland sé svona vinsælt. Næst vinsælast, samkvæmt leitinni, er að spyrja af hverju Ísland sé svona dýrt og þar á eftir er spurningin af hveru það sé svo friðsælt hér á landi.

Fyrsta leitarniðurstaðan sem kemur upp þegar spurt er af hverju hér á landi sé svo friðsælt er frétt Time NewsFeed frá maí 2011. Sú fjallar um að þrátt fyrir að gos hafi hafist í Grímsvötnum skori landið hæst á lista Global Peace Index um friðsælustu lönd heims. Á þeim tíma sem Time NewsFeed skrifaði sína frétt var eldgosið í Grímsvötnum nýhafið.

Þegar slegið er inn á Google af hverju það sé svona dýrt á Íslandi kemur fyrst upp síðan Total Iceland. Þar segir meðal annars að fyrir um fimmtán árum síðan hafi verið næstum því ókeypis að fara í Bláa lónið en nú þurfi að borga dágóða summu til að fá að dýfa fætinum þar ofan í.

Af hverju er Írland svona grænt og af hverju er Rússland svo stórt, af hverju er Noregur svona ríkt og af hverju er Svíar svona hamingjusamir eru vinsælustu spurningarnar samkvæmt frétt Huffington Post um þau lönd.