Sólríkt og milt sumarveður í kortunum

Útlit er fyrir sólríkt og stillt sumarveður næsta sólarhringinn. Samkvæmt Veðurstofu Íslands mun sólin skína um allt land. Hlýjast verður í dag í kringum Borgarnes og Skorradal þar sem hiti mun hæst ná 17 gráðum. Á Höfuðborgarsvæðinu verður hiti í kringum 12 til 13 gráður, einhver ský verða á himni framan af degi en þeim mun fækka eftir því sem líður á daginn. Örlítið kaldara er á Norðurlandi, þar nær hiti hæst 10 gráðum.

Á morgun byrjar að rigna á Austurlandi en á öðrum stöðum á landinu helst veður almennt þurrt. Samkvæmt langtímaveðurspá mega landsmenn eiga von á blautri helgi en gert er ráð fyrir rigningu um allt land.