Wenger missti aldrei trúna á Bendtner

Arsene Wenger, stóri Arsenal, telur að Daninn Nicklas Bendtner geti spilað stórt hlutverk í titilbaráttu liðsins þetta tímabilið.

Bendtner var í byrjunarliði Arsenal í fyrsta sinn síðan í mars árið 2011 og þakkaði traustið með því að skora fyrra markið í 2-0 sigri. Markið skoraði hann strax á fyrstu mínútu leiksins.

„Nicklas hefur hæfileikana. Ég hef gefið honum tvo langtímasamninga vegna þess að ég hef trú á hans hæfileikum. Þegar viðhorf hans er svona gott koma hæfileikar hans í ljós,“ sagði Wenger eftir sigurinn í gær.

„Hann spilaði ekki vel gegn Chelsea í október en hefur lagt mikið á sig á æfingum síðan þá og átti skilið að fá tækifærið nú.“

„Hann ber sig vel á vellinum, tæknileg geta hans er góð og hraðinn fínn. Þetta snýst allt um hversu mikið hann leggur á sig en þegar hann er í góðu formi getur hann staðið sig vel eins og hann gerði í þessum leik.“