Þær ljúga um þyngdarmissi

Leikkonan og spéfuglinn Nicole Sullivan heldur því fram í viðtali við Us Weekly að frægar mömmur ljúgi til um hvernig þær léttast eftir barnsburð.

"Ég fletti í gegnum slúðurblöð og skildi ekki hvernig mömmur á borð við Jessicu Alba léttust svona hratt – og ég gat það ekki," segir leikkonan sem leikur til dæmis í sjónvarpsþáttunum Cougar Town.

"Þær ljúga allar og segja að þær hafi létt sig með því að hlaupa á eftir börnunum og gefa brjóst. Það er ekki satt!" heldur Nicole áfram. Hún var miður sín eftir að hún eignaðist soninn Dashel sem nú er fimm ára.

"Mér fannst ég vera útskúfuð úr samfélaginu. Það er ekki mikið af of feitu fólki í Hollywood. Mér leið eins og asnanum sem fattaði ekkert."

Þú gætir unnið - vertu með okkur á Facebook.