Notar krem sem heldur húðinni í fullkomnu jafnvægi

Steinunn Edda Steingrímsdóttir Make Up Artist verslunarstjóri í Make Up Store Smáralind og bloggari á Mblog(Margrét.is) gerir miklar kröfur þegar kemur að húð- og hárhirðu. Steinunn segir okkur hvað hún kýs að nota.

"Nivea „Soft" rakakremið finnst mér alltaf rosalega gott enda má bera það á líkama, hendur og andlit. Kremið er rosalega létt og manni finnst það hálfvatnskennt enda extra mikill raki í því. Ég nota krem á líkamann daglega og þess vegna skiptir það miklu máli fyrir mig að kremið sé ekki lengi að þorna. Þetta er komið inn í húðina á nokkrum sekúndum sem er frábært."

"Moroccan Oil olían finnst mér frábær, hún gefur hárinu fallegan glans og nærir það vel en svo skemmir auðvitað ekki fyrir hvað lyktin af henni er æðisleg. Hún er í algjöru uppáhaldi í augnablikinu."

"Sjampóið og næringin í „Elasticate" línunni frá Bed Head TIGI hefur algjörlega bjargað hárinu mínu enda styrkir það hárið svo um munar. Ég mæli með því fyrir allar þær sem að eru með illa farið hár eftir aflitun. Ég finn rosalegan mun."