„Ísland spilar einfaldan fótbolta“

Niko Kovac, nýráðinn landsliðsþjálfari Króata, tilkynnti í dag leikmannahóp sinn fyrir umspilsleikina gegn Íslandi um miðjan nóvember. Hópinn má sjá neðst í fréttinni.

„Við höfum skoðað íslenska liðið gaumgæfilega. Það spilar einfaldan fótbolta, eitthvað sem þú lærir í skólanum. 4-4-2 eða 4-4-1-1,“ sagði Kovac á blaðamannafundi í dag. Kovac var spurður út í áhyggjur af íslensku veðurfari.

„Það er allt saman í hausnum á þér. Ef hann er rétt skrúfaður á þá geturðu spilað í stormi. Ef ekki þá getur sól reynst þér erfiðlega.“

Kovac virðist bera nokkuð mikla virðingu fyrir íslenska liðinu.

„Ísland er ekkert furðulegt lið. Liðið er mjög mjög gott, frábær að snúa vörn í sókn. Þeir eru líkamlega sterkir og ákveðnir,“ segir Kovac. Hans menn eigi þó að vera betri.

„Við erum betra lið hvað tækni varðar en aðeins ef við leggjum okkur alla fram. Þeir eru vel gíraðir - stoltir af uppruna sínum eins og við,“ segir Kovac. Hann bætir við að íslenska liðið verjist á tíu mönnum en Kolbeinn Sigþórsson lúri frammi á meðan.

Hópinn má sjá að neðan. Helstu stjörnur Króata eru á sínum stað. Luka Modric hjá Real Madrid, Niko Kranjcar hjá QPR, Ivan Rakitic hjá Sevilla, Ivica Olic hjá Wolfsburg, Eduardo hjá Shaktar Donetsk, Mario Mandzukic hjá Bayern München og Nikiva Jelavic hjá Everton. Darijo Srna er reynslumestur með 108 landsleiki en næstur kemur markvörðurinn Stipe Pletikosa með 107.

Markmenn

Stipe Pletikosa, Rostov

Danijel Subasic, Istra

Dominik Picak, Lokomotiva

Varnarmenn

Darijo Srna, Shaktar Donetsk

Josip Simunic, Dinamo Zagreb

Vedran Corluka, Lokomotiv Moskva

Ivan Strinic, Dnipro Dnipropetrovsk

Domagoj Vida, Dynamo Kiev

Dejan Lovren, Southampton

Gordon Schildenfeld, Panathinaikos

Sime Vrsaljko, Genoa

Miðjumenn

Ivo Ilicevic, Hamburg

Ivan Perisic, Wolfsburg

Ivan Rakitic, Sevilla

Luka Modric, Real Madrid

Mate Males, Rijeka

Mateo Kovacic, Inter

Milan Badelj, Hamburg

Niko Kranjcar, QPR

Framherjar

Ante Rebic, Fiorentina

Eduardo, Shaktar Donetsk

Ivica Olic, Wolfsburg

Leon Benko, Rijeka

Mario Mandzukic, Bayern München

Nikica Jelavic, Everton