Einsetti sér að hjálpa ófrjósömum Þórunn Elísabet Bogadóttir skrifar 2. janúar 2013 12:15 "Ég einsetti mér að reyna að hjálpa fólki að hætta að skammast sín fyrir þetta,“ segir Andri Hrafn Agnarsson, sem komst að því í haust eftir rannsóknir að hann er ófrjór. Hann sagði sögu sína í Íslandi í dag fyrir jólin og fékk gríðarleg viðbrögð í kjölfarið. "Ég fór fyrst og fremst í þetta viðtal vegna þess að ég vildi hvetja fólk sem er í þessum sporum áfram og til að koma út úr skápnum með þetta. Þannig leið okkur, þó ég viti ekki hvernig það er að koma út úr skápnum þá fannst mér svolítið eins og það væri það sem ég væri að gera með þessu,“ segir Andri. Hann segir að fyrst eftir að hann og Sara Petra, kærasta hans, fengu fréttirnar hafi hann skammast sín svakalega mikið. "Í mínu tilfelli var það af því að mér fannst ég vera misheppnaður. Mér fannst karlmennskan í mér horfin.“ Hann hafi orðið þungur í skapinu og liðið mjög illa. Hann hafi orðið kvíðinn og forðast að tala við fólk af því að hann nennti ekki að láta eins og allt væri í lagi þegar líf hans hefði breyst svona mikið. "Það er í raun alveg fáránlegt að maður skammist sín fyrir svona lagað, af því að maður fæðist svona og getur ekkert að þessu gert. En ég skil það samt svo vel, mér leið svona sjálfum en ég ákvað bara að snúa þessu við.“Varð að breyta hugarfarinu Andri hafði þá haft orð á því við Söru að hann þyldi ekki hvernig ófrjósemin hefði breytt honum. "Eftir nokkurn tíma fór ég loksins að opna augun og ég tók einfalda ákvörðun. Ég vissi að ég gæti ekkert gert í þeim aðstæðum sem ég var lentur í en ég hafði fulla stjórn á því hvernig ég tækist á við þessi vandamál. Ég einfaldlega yrði að breyta um hugarfar. Ég gat legið heima hjá mér áfram og haldið áfram að vorkenna mér eða snúið þessum aðstæðum upp í eitthvað tækifæri.“ Hann setti sér því þrjú markmið. Að hjálpa fólki í sömu stöðu með því að koma opinberlega fram, að vekja fólk til umhugsunar um hversu erfitt er fyrir fólk að fá fréttir um ófrjósemi og að vekja stjórnvöld til umhugsunar um fyrirkomulag á niðurgreiðslum til tæknifrjóvgana.Ekki mesti vandinn í heiminum "Ég geri mér alveg grein fyrir því að ég á ekki við mesta vandann að stríða í heiminum, margir hafa það miklu verra. En mér finnst þetta mál samt þurfa svolitla athygli og mér finnst þurfa að opna á þessa umræðu svo fólk komi út með þetta.“ Andri segist ekki vilja vera of pólitískur, en hann er ósáttur við þær breytingar að fyrstu tæknifrjóvganir séu ekki lengur niðurgreiddar af ríkinu. "Opinberar tölur sýna að fimmtán prósent para þurfa á einhvers konar aðstoð að halda við að eignast börn. Það er mjög há tala.“ Því séu allar líkur á því að flestir þekki einhvern sem þurfi á hjálp að halda við að eignast börn, en viti ekki endilega af því vegna þess að fólk haldi ófrjóseminni leyndri.Ótrúleg viðbrögð við viðtali "Eftir að viðtalið birtist við mig í Íslandi í dag fór gjörsamlega allt af stað. Fyrir utan stuðning frá fjölskyldu og vinum þá hefur þvílíkur fjöldi fólks sem við þekkjum og sem við þekkjum ekki neitt skrifað mér og Söru á Facebook, og meira að segja fékk ég símtal frá manni utan af landi sem ég þekki ekkert. Flestir eru í sömu sporum og við eða þekkja einhvern í okkar sporum. Fólk hefur þakkað okkur fyrir að stíga fram og vekja athygli á málinu og einnig deilt með okkur sinni sögu, sem margar hverjar voru átakanlegar að lesa.“ Andri segist því vilja nota tækifærið og þakka öllum sem hafa sýnt þeim stuðning. Hér á sjónvarpssíðu Vísis er hægt að sjá viðtalið við Andra úr Íslandi í dag. Fyrst eftir að þau fengu fréttirnar hugsaði Andri oft um að slíta sambandinu við Söru til að hún hefði tækifæri til að eignast fjölskyldu með öðrum manni. Nú eru þau ákveðin í því að eignast sína eigin fjölskyldu með öðrum leiðum en hinni hefðbundnu. Fréttablaðið/GVA Mest lesið Fögnuðu sögulegum 850 þúsund króna hátalara Ella Egils Lífið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Þeir fátæku borga brúsann Gagnrýni Björgvin Franz brotinn en slær í gegn í Ladda og ræktinni Lífið Lamaðist og missti sjón en fann styrk í sjálfri sér Lífið Stjörnurnar flyktust á frumsýningu einnar mest spennandi bíómyndar ársins Lífið samstarf Selja íbúð í Vesturbænum: „Við eigum of mörg börn til að búa í henni áfram“ Lífið Fyrstur til að skíða niður Everest án súrefnis Lífið „Það sýður miklu frekar upp úr við uppvaskið“ Lífið Fleiri fréttir Fögnuðu sögulegum 850 þúsund króna hátalara Ella Egils Björgvin Franz brotinn en slær í gegn í Ladda og ræktinni Sonur Fóstbróður slær í gegn: „Ég er fastur þarna núna, orðinn háður“ „Kristrún Frostadóttir frá... Finnlandi?“ Lamaðist og missti sjón en fann styrk í sjálfri sér Víkingur Heiðar hlaut mjög virt verðlaun Fyrstur til að skíða niður Everest án súrefnis „Það sýður miklu frekar upp úr við uppvaskið“ „Mjög fallegt“ hús og „fullfrágengin“ lóð Elli Egils hannaði hátalara fyrir Bang & Olufsen Elli Egils hélt að Elli Egils væri grín Framtíð Ísraela í Eurovision ákveðin í nóvember Fargufan nýjasta æðið á Íslandi Selja íbúð í Vesturbænum: „Við eigum of mörg börn til að búa í henni áfram“ Lýsir raunum einhleypra í Reykjavík: „Tilhugalífið minnir á lélegt bókunarkerfi“ Þetta eru uppáhalds barnabækur ráðherranna Ástfangin á ný Hollywood-stjarna slær sér upp með prins „Er ekki hér til að keppast um fegurð“ Þriðja í heiminn hjá Rihönnu og A$AP Rocky Er ekki eðlilegt að stunda kynlíf á afmælinu? Hefur keypt fasteignir fyrir rúman milljarð íslenskra króna á árinu Minntist bróður síns fyrir fullum sal Leiðir skilja hjá Svala og Jóhönnu Stella og Davíð sjóðheitt nýtt par Elín tendrar eldana fyrir Laufeyju Mun aldrei gleyma augnaráði bílstjórans Óvænt stjörnuskipti í jólasýningu Þjóðleikhússins Unnur Birna verður Elma „Þrisvar sinnum hefur mér verið hótað lífláti“ Sjá meira
"Ég einsetti mér að reyna að hjálpa fólki að hætta að skammast sín fyrir þetta,“ segir Andri Hrafn Agnarsson, sem komst að því í haust eftir rannsóknir að hann er ófrjór. Hann sagði sögu sína í Íslandi í dag fyrir jólin og fékk gríðarleg viðbrögð í kjölfarið. "Ég fór fyrst og fremst í þetta viðtal vegna þess að ég vildi hvetja fólk sem er í þessum sporum áfram og til að koma út úr skápnum með þetta. Þannig leið okkur, þó ég viti ekki hvernig það er að koma út úr skápnum þá fannst mér svolítið eins og það væri það sem ég væri að gera með þessu,“ segir Andri. Hann segir að fyrst eftir að hann og Sara Petra, kærasta hans, fengu fréttirnar hafi hann skammast sín svakalega mikið. "Í mínu tilfelli var það af því að mér fannst ég vera misheppnaður. Mér fannst karlmennskan í mér horfin.“ Hann hafi orðið þungur í skapinu og liðið mjög illa. Hann hafi orðið kvíðinn og forðast að tala við fólk af því að hann nennti ekki að láta eins og allt væri í lagi þegar líf hans hefði breyst svona mikið. "Það er í raun alveg fáránlegt að maður skammist sín fyrir svona lagað, af því að maður fæðist svona og getur ekkert að þessu gert. En ég skil það samt svo vel, mér leið svona sjálfum en ég ákvað bara að snúa þessu við.“Varð að breyta hugarfarinu Andri hafði þá haft orð á því við Söru að hann þyldi ekki hvernig ófrjósemin hefði breytt honum. "Eftir nokkurn tíma fór ég loksins að opna augun og ég tók einfalda ákvörðun. Ég vissi að ég gæti ekkert gert í þeim aðstæðum sem ég var lentur í en ég hafði fulla stjórn á því hvernig ég tækist á við þessi vandamál. Ég einfaldlega yrði að breyta um hugarfar. Ég gat legið heima hjá mér áfram og haldið áfram að vorkenna mér eða snúið þessum aðstæðum upp í eitthvað tækifæri.“ Hann setti sér því þrjú markmið. Að hjálpa fólki í sömu stöðu með því að koma opinberlega fram, að vekja fólk til umhugsunar um hversu erfitt er fyrir fólk að fá fréttir um ófrjósemi og að vekja stjórnvöld til umhugsunar um fyrirkomulag á niðurgreiðslum til tæknifrjóvgana.Ekki mesti vandinn í heiminum "Ég geri mér alveg grein fyrir því að ég á ekki við mesta vandann að stríða í heiminum, margir hafa það miklu verra. En mér finnst þetta mál samt þurfa svolitla athygli og mér finnst þurfa að opna á þessa umræðu svo fólk komi út með þetta.“ Andri segist ekki vilja vera of pólitískur, en hann er ósáttur við þær breytingar að fyrstu tæknifrjóvganir séu ekki lengur niðurgreiddar af ríkinu. "Opinberar tölur sýna að fimmtán prósent para þurfa á einhvers konar aðstoð að halda við að eignast börn. Það er mjög há tala.“ Því séu allar líkur á því að flestir þekki einhvern sem þurfi á hjálp að halda við að eignast börn, en viti ekki endilega af því vegna þess að fólk haldi ófrjóseminni leyndri.Ótrúleg viðbrögð við viðtali "Eftir að viðtalið birtist við mig í Íslandi í dag fór gjörsamlega allt af stað. Fyrir utan stuðning frá fjölskyldu og vinum þá hefur þvílíkur fjöldi fólks sem við þekkjum og sem við þekkjum ekki neitt skrifað mér og Söru á Facebook, og meira að segja fékk ég símtal frá manni utan af landi sem ég þekki ekkert. Flestir eru í sömu sporum og við eða þekkja einhvern í okkar sporum. Fólk hefur þakkað okkur fyrir að stíga fram og vekja athygli á málinu og einnig deilt með okkur sinni sögu, sem margar hverjar voru átakanlegar að lesa.“ Andri segist því vilja nota tækifærið og þakka öllum sem hafa sýnt þeim stuðning. Hér á sjónvarpssíðu Vísis er hægt að sjá viðtalið við Andra úr Íslandi í dag. Fyrst eftir að þau fengu fréttirnar hugsaði Andri oft um að slíta sambandinu við Söru til að hún hefði tækifæri til að eignast fjölskyldu með öðrum manni. Nú eru þau ákveðin í því að eignast sína eigin fjölskyldu með öðrum leiðum en hinni hefðbundnu. Fréttablaðið/GVA
Mest lesið Fögnuðu sögulegum 850 þúsund króna hátalara Ella Egils Lífið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Þeir fátæku borga brúsann Gagnrýni Björgvin Franz brotinn en slær í gegn í Ladda og ræktinni Lífið Lamaðist og missti sjón en fann styrk í sjálfri sér Lífið Stjörnurnar flyktust á frumsýningu einnar mest spennandi bíómyndar ársins Lífið samstarf Selja íbúð í Vesturbænum: „Við eigum of mörg börn til að búa í henni áfram“ Lífið Fyrstur til að skíða niður Everest án súrefnis Lífið „Það sýður miklu frekar upp úr við uppvaskið“ Lífið Fleiri fréttir Fögnuðu sögulegum 850 þúsund króna hátalara Ella Egils Björgvin Franz brotinn en slær í gegn í Ladda og ræktinni Sonur Fóstbróður slær í gegn: „Ég er fastur þarna núna, orðinn háður“ „Kristrún Frostadóttir frá... Finnlandi?“ Lamaðist og missti sjón en fann styrk í sjálfri sér Víkingur Heiðar hlaut mjög virt verðlaun Fyrstur til að skíða niður Everest án súrefnis „Það sýður miklu frekar upp úr við uppvaskið“ „Mjög fallegt“ hús og „fullfrágengin“ lóð Elli Egils hannaði hátalara fyrir Bang & Olufsen Elli Egils hélt að Elli Egils væri grín Framtíð Ísraela í Eurovision ákveðin í nóvember Fargufan nýjasta æðið á Íslandi Selja íbúð í Vesturbænum: „Við eigum of mörg börn til að búa í henni áfram“ Lýsir raunum einhleypra í Reykjavík: „Tilhugalífið minnir á lélegt bókunarkerfi“ Þetta eru uppáhalds barnabækur ráðherranna Ástfangin á ný Hollywood-stjarna slær sér upp með prins „Er ekki hér til að keppast um fegurð“ Þriðja í heiminn hjá Rihönnu og A$AP Rocky Er ekki eðlilegt að stunda kynlíf á afmælinu? Hefur keypt fasteignir fyrir rúman milljarð íslenskra króna á árinu Minntist bróður síns fyrir fullum sal Leiðir skilja hjá Svala og Jóhönnu Stella og Davíð sjóðheitt nýtt par Elín tendrar eldana fyrir Laufeyju Mun aldrei gleyma augnaráði bílstjórans Óvænt stjörnuskipti í jólasýningu Þjóðleikhússins Unnur Birna verður Elma „Þrisvar sinnum hefur mér verið hótað lífláti“ Sjá meira