Viljum gera heimavöllinn að gryfju

Kolbeinn Tumi Daðason skrifar 7. júní 2013 12:00

„Við þurfum að spila mjög góðan leik og megum ekki gera nein mistök," segir landsliðsframherjinn Kolbeinn Sigþórsson.

Ísland tekur á móti Slóveníu í E-riðli undankeppni HM 2014 á Laugardalsvelli í kvöld. Kolbeinn segir íslenska liðið þurfa að hafa ýmislegt í huga fyrir leikinn.

„Við töpuðum mörgum föstum leikatriðum í síðasta leik og höfum farið yfir það," segir Kolbeinn. Hann telur Slóvena sterkari en þegar liðin mættust ytra í mars.

„Klárlega. Við vorum að horfa á leik þeirra gegn Tyrkjum þar sem þeir spiluðu mjög vel. Þeir eru greinilega að koma til og við berum mikla virðingu fyrir þeim."

Aron Einar Gunnarsson, fyrirliði Íslands, vanmetur ekki Slóvena.

„Þetta er frábært lið og við vitum það. Við erum ekkert að láta stöðuna liðanna í riðlinum hafa áhrif á okkur. Þetta er bara leikur upp á þrjú stig," segir Aron Einar.

Telur hann að stuðningsmenn Íslands geti gert kröfu að landsliðið leggi Slóvena að velli á heimavelli?

„Er það ekki alltaf hjá okkur Íslendingum? Auðvitað, við viljum gera heimavöllinn að gryfju og eigum að nýta það að við séum að spila heima. Tækla þetta almennilega," segir Aron.

HM 2014 í Brasilíu

Tengdar fréttir

Miðarnir rjúka út

Allt stefnir í að uppselt verði á landsleik Íslands og Slóveníu í undankeppni HM 2014 sem fram fer á Laugardalsvelli annað kvöld.

6. júní 2013 12:30

Settu himinháan verðmiða á Kára

"Við hugsum mjög vel um okkur. Allt í kringum liðið er tipp topp og ekkert yfir neinu að kvarta," segir miðvörðurinn Kári Árnason.

6. júní 2013 16:30

Hægt að nýta fjarveru Gylfa til góðs

Lars Lagerbäck, þjálfari karlalandsliðs Íslands í knattspyrnu, er bjartsýnn fyrir viðureign Íslands og Slóveníu í undankeppni HM 2014 á Laugardalsvelli á morgun.

6. júní 2013 12:58

Þeir eru ekki með lélegra lið en við

Birkir Bjarnason og Hannes Þór Halldórsson eru klárir í slaginn gegn Slóveníu annað kvöld.

6. júní 2013 07:15

Slóvenar fagna fjarveru Gylfa

Mikil stemmning er fyrir leik Íslands og Slóveníu sem fram fer í kvöld, enda á Ísland góða möguleika á því að tryggja sér umspilssæti fyrir HM.

7. júní 2013 09:15

Förum í leikinn fullir sjálfstrausts

Íslensku strákarnir hræðast ekki umtal um að liðið sé á leiðinni á lokamót HM í Brasilíu árið 2014. Leikmenn liðsins setja sjálfir þá pressu á sig og telja sig vel eiga innistæðu fyrir því. Mikilvægt er samt sem áður að taka einn leik í einu. Lagerbäck hr

7. júní 2013 07:00