Miðasala á Frank Ocean fer vel af stað

Áhugi fyrir tónleikum tónlistarmannsins Frank Ocean þann 16. júlí virðist vera gífurlegur. Óhætt er að segja að miðasalan fari vel af stað, en fram kom í hádegisfréttum Bylgjunnar að 3000 miðar væru seldir af þeim 5.5000 sem í boði eru. Nú eru innan við 1000 miðar eftir.

Ísleifur B. Þórhallson, markaðsstjóri hjá Senu, býst jafnvel við að það seljist upp á tónleikana í kvöld. Hann mælir því með að áhugasamir næli sér í miða sem fyrst, þar sem aukatónleikar eru ekki möguleiki fyrir þennan upptekna tónlistarmann.

Frank Ocean er á mikilli uppleið í tónlistarheiminum þessa stundina. Í fyrra kom út hans fyrsta sólóplata, Channel Orange, sem sló í gegn um allan heim. Tónlistarmaðurinn hlaut fjölda virtra verðlauna fyrir plötuna, meðal annars tvenn Grammy–verðlaun.

Það má því segja að Frank Ocean sé einn heitasti listamaður samtímans, en hann er einnig þekktur fyrir að tala opinskátt um kynhneigð sína.