Hera Björk stígur á svið í nótt

Í meðfylgjandi myndskeiði sem tekið var í dag má sjá Heru Björk söngkonu sem er stödd í Chile þar sem hún keppir í stórri alþjóðlegri söngkeppni sem ber heitið Vina del Mar. Hera sýnir okkur hvernig umhorfs er baksviðs hjá henni en hún stígur á sviðið í dag þar sem hún keppir fyrir dómnefnd skipuð þekktum tónlistarmönnum sem gefa henni einkunn strax eftir flutninginn frá 1 og upp í 7.



Fékk í magann

"Ég fékk nú bara pínu í magan við að horfa á þetta gærkvöldi." sagði Hera Björk um útsendinguna á fyrri riðlinum. "Það er allt gert til að gera umhverfið sem erfiðast. Það eru 22 - 25 þúsund öskrandi áhorfendur beint á móti manni, dómnefnd við hliðina á manni uppi á sviði og svo er söngvarinn látinn standa kyrr á sviðinu með Viltu vilja milljón stef í gangi að bíða eftir niðurstöðu dómnefndar. Maður er bara nakinn á eftir. En ég hef reynsluna úr Eurovision og mörgum stórum tónleikum með mér inn í þetta," segir Hera Björk sem hefur haldið tónleika um alla Evrópu og Bandaríkin síðustu þrjú ár.

Góðar viðtökur

"Lagið (Because you can) er að fá góðar viðtöku hér og sérstaklega útgáfan sem ég syng á spænsku. Hún hefur komið á óvart. Í dómnefndinni er nýjung þetta árið. Það var kjörin fulltrúi fólksins og konu sem selur gosdrykki í áhorfendastúkunni var bætt í dómnefndina með öllu frægu tónlistarfólkinu. Hún sagði víst í viðtali í sjónvarpinu að hún héldi mest upp á lagið Beacause You Can þó hún viti ekkert hvað það þýðir."

Hera mun stíga á svið í Chile klukkan 04:00 í nótt á íslenskum tíma.



Hér syngur Hera lagið á ensku.



Hér er linkur á útsendinguna.