Vildi að ég fengi aðeins meiri bollukinnar

Það gekk vægast sagt mikið á í lífi Maríu Birtu Bjarnadóttur, verslunareiganda og leikkonu, í lok síðasta árs. Eldur kom upp í verslun hennar Maníu á Laugavegi. Í kjölfarið þurfti hún að loka jólamarkaði verslunarinnar og kom sér fyrir með markaðinn á 3. hæð Kringlunnar en var rekin þaðan út á ögurstundu. Lífið spjallaði við Maríu Birtu um þrautagönguna og hlutverk hennar í kvikmyndinni XL sem frumsýnd var á föstudaginn var. Í myndinni leikur María Birta á móti stórleikaranum Ólafi Darra Ólafssyni.

Hvert er þitt hlutverk í myndinni? Ég fer með hlutverk Æsu, sem að er ástkona Leifs, sem sjálfur Ólafur Darri leikur. Æsa er algjör unglingur en heldur hinsvegar að hún sé orðin mun þroskaðir en hún er. Hún er í raun þessi týpíska unga stelpa sem að veit ekkert í hvorn fótinn hún á að stíga. Hún kemur greinilega frá brotnu heimili og er mjög meðvirk með Leifi sem kemur ekkert alltof vel fram við hana.

Hvernig undirbjóstu þig fyrir hlutverkið? Ég horfði á 2-3 japanskar myndir og nokkrar mjög þungar og dramatískar myndir og svo reyndi ég hvað ég gat að fitna, en Matti vildi endilega að ég fengi aðeins meiri bollukinnar, það tókst!

Lesa viðtalið við Maríu Birtu í heild sinni hér.