Fjölskylda flúði úr íbúð undan eldsvoða í nótt

Eldur kviknaði í rafdrifbúnaði á rafmagnsreiðhjóli inni í íbúð í Rimahverfi í Reykjavík í nótt, þar sem hjólið var í hleðslu. Reykskynjari vakti fjögurra manna fjölskyldu og greip húsbóndinn þegar til slökkvitækis og tæmdi það á eldinn, áður en hann forðaði sér út á eftir hinu fólkinu og varð engum meint af.

Ekki þurfti að rýma aðrar íbúðir. Slökkviliðið slökkti svo eldinn endanlega, en hann hafði þá kveikt í afturdekkinu og öðru innanstokks, sem var nálægt hjólinu. Síðan var reykræst og hjólið verður rannsakað í dag.