Líklega handleggsbrotinn á báðum höndum eftir árekstur

Umferðarslys varð á Malarhöfða skömmu fyrir klukkan eitt í dag. Tvær bifreiðar skullu saman. Alls voru fimm einstaklingar í báðum bílunum. Einn farþegi slasaðist nokkuð, líklega er hann brotinn á báðum höndum.

Tæplega sjötugur karlmaður var svo stöðvaður á Tjarnargötu í Reykjavík rétt fyrir klukkan fjögur í dag. Hann er grunaður um ölvunarakstur. Þá féll maður af þaki við við Efstasund, en ekki er vitað um meiðsl mannsins að svo komnu máli. Slysið átti sér stað hálf fimm. Töluverður erill hefur verið hjá lögreglunni á höfuðborgarsvæðinu í dag.