Búið spil

Rob Kardashian og söngkonan Rita Ora hafa slitið sambandi sínu. Sambandsslitin voru fjarri því að vera vinsamleg og sakaði Kardashian söngkonuna um að hafa haldið fram hjá sér á Twitter-samskiptasíðunni.

„Hún hélt fram hjá mér með um tuttugu mönnum á meðan við vorum saman. Hvað ætli hún muni sofa hjá mörgum nú þegar við erum sundur. Ég meina, tuttugu menn?“ skrifaði Kardashian á Twitter-síðu sinni.

Þau Ora hófu samband sitt í vor en héldu því lengi vel leyndu fyrir fjölmiðlum. Samkvæmt vinum parsins gekk sambandið ekki upp vegna fjarlægðar, en Kardashian er búsettur í Los Angeles á meðan Ora býr í London.