Elskar breska menningu

Franska leikkonan Marion Cotillard segist elska breska menningu og vera mikill aðdáandi Radiohead.

„Ég ímynda mér England sem blöndu af tísku og tónlist. Þar finnst rokk og ról í öllu; konungsfjölskyldunni, pönkinu og borgarastéttinni. Bretar eru bestir í tónlist og ég held upp á David Bowie, The Rolling Stones, Radiohead, Bítlana og fleiri,“ sagði leikkonan í viðtali við Harper‘s Bazar.

Cotillard segist einnig kunna að meta breska sjónvarpsþáttagerð og í algjöru uppáhaldi hjá henni er gamanþátturinn Absolutely Fabulous. „Ég er mikill aðdáandi.“