Svona fuku kílóin

Við vitum líklega öll að Jessica Simpson er búin að vera í baráttunni við kílóin enda hefur sú barátta farið fram opinberlega.

Nú hefur söngkonunni og nýbökuðu móðurinni tekist að losa sig við 60 pund á fjórum mánuðum. Simpson hefur nú ákveðið að deila leyndarmálinu á bak við árangurinn með aðdáendum sínum en hún byrjaði átakið á heilum fimmtán dögum þar sem hún drakk aðeins djúsa og hristinga.

Þar á eftir tók við strangt mataræði sem hún og eiginmaður hennar Eric Johnson fóru eftir en það virðist vera að Eric hafi ákveðið að styðja sína konu í einu og öllu í átakinu.

Svona lítur því nokkuð venjulegur dagur út hjá hjónunum;



Morgunverður: Misjafnar tegundir af meinhollu morgunkorni.

Hádegisverður: Rækjur með tómat og baunasalati og káli. Örlítil dressing með.

Á milli mála: Nokkrar sneiðar af epli og osti.

Kvöldverður: Túnfisksteik með steiktum kartöflum og ferksu salati.

Eftirréttur: Grillaðar ferskjur.