Svanhildur Hólm ráðin aðstoðarmaður Bjarna Benediktssonar

Svanhildur Hólm, fyrrverandi framkvæmdastjóri þingflokks Sjálfstæðisflokksins, hefur verið ráðin aðstoðarmaður Bjarna Benediktssonar, formanns Sjálfstæðisflokksins.

Þetta var meðal þess sem var kynnt á þingflokksfundi Sjálfstæðisflokksins í morgun. Þar bar hæst skipti á þingflokksformönnum, en Illugi Gunnarsson var kjörinn formaður í stað Ragnheiðar Elínar Arnadóttur, sem hefur sinnt embættinu í tvö ár.

Áður en Svanhildur hóf störf fyrir Sjálfstæðisflokkinn starfaði hún á fjölmiðlum, þar af lengi vel sem dagskrágerðarkona í Íslandi í dag á Stöð 2.