Yfir 200 þúsund tonn á land

Víkingur AK, skip HB Granda, er á leið til Akraness eftir vel heppnaða veiðiferð á loðnumiðin á Grímseyjarsundi. Þar fengust um 1300 tonn af góðri loðnu í fjórum köstum yfir daginn.

Veður á miðunum fyrir austan land hefur verið sjómönnum erfitt síðustu daga.

Nú hefur verið landað 206 þúsund tonnum á vertíðinni eða 37,4% af útgefnum veiðiheimildum, samkvæmt upplýsingum á vef Fiskistofu. Á vertíðinni er íslenskum skipum heimilt að veiða 550 þúsund tonn. Leyfilegur hámarksafli á loðnuvertíðinni er 765 þúsund tonn.- shá