"Við viljum ekki meiri stóriðju á Íslandi"

Helstu félagasamtök um náttúvernd á Íslandi vilja að stjórnvöld fresti eða falli frá frekari uppbyggingu á vatnsaflsvirkjunum í neðri hluta Þjórsár.

Þetta kemur fram í umsögn þrettán náttúruverndarsamtaka um drög að þingsályktunartillögu um vernd og orkunýtingu landssvæða.

Samtökin fagna því að í drögunum sé meðal annars lagt til að Þjórsárver, Jökulsá á Fjöllum; Kerlingarfjöll og hluti Hengilssvæðisins fari í svokallaðan verndarflokk.

Samtökin leggja það meðal annars til að fyrirhugaðar virkjunarframkvæmdir í Þingeyjarsýslu og verði settar í bið og að fallið verði frá virkjunarhugmyndum í Skagafirði. Þá er ennfremur lagt til að Hvammsvirkjun og Holtavirkjun í Neðri hluta Þjórsár verði settar í bið og Urriðafoss fari í verndarflokk.

En lokið þið algerlega á alla virkjunarkosti? „Nei, það eru nokkrir kostir sem við nefnum ekki í umsögninni. Við erum ekki á móti virkjunum, það má ekki taka þetta sem svo. En við teljum að nú sé nóg komið. Við þurfum ekki þessa orku. Áttatíu prósent af þessari orku fer í stóriðju og við viljum ekki meiri stóriðju á Íslandi," segir Rannveig Magnúsdóttir, líffræðingur.

Samtökin vilja að stofnaður verði þjóðgarður á miðhálendinu.

„Þetta er ekki ný hugmynd. Það er langt síðan hún hefur verið sett fram. Við viljum bara koma henni áfram. Við viljum bara fá allar virkjanir út af þessu svæði," segir Rannveig.