Líf og fjör á Öskudegi - myndir

Það var líf og fjör á Öskudeginum í dag eins og við mátti búast. Fjöldi barna klæddu sig upp í furðulega búninga og slógu köttinn úr tunnunni auk þess sem farið var í viðamikla sælgætisleiðangra í tilefni dagsins. Þá var fjölmennt í Smáralindinni í dag eins og meðfylgjandi myndir bera með sér.

Það voru reyndar ekki allir sem buðu upp á sælgæti. Arion Banki bauð upp á lesefni, eða Andrés Önd það er að segja, þegar börnin heimsóttu útibú bankans í miðbænum. Hægt er að skoða myndir frá deginum sem ljósmyndari Fréttablaðsins, Stefán Karlsson, tók við þetta tilefni.