Beit lögregluþjón

Karlmaður beit lögregluþjón til blóðs í morgun. Maðurinn var stöðaður á Laugaveginum rétt rúmlega átta í morgun grunaður um ölvunarakstur.

Maðurinn var því næst fluttur á lögreglustöðina. Þegar honum var svo ljóst að hann yrði að gangast undir rannsókn vegna málsins brást hann hinn versti við og veitti lögreglumönnum harðvítuga mótspyrnu.

Það var þá sem hann beit lögreglumann í hendina. Sá þurfti að leita á slysadeild vegna hættu á smiti.

Ökumaðurinn var hinsvegar færður í fangaklefa að lokinni blóðsýnistöku og verður hann svo yfirheyrður í dag.