Flokkstjórn fundar um landsfund í vor

Flokksstjórn Samfylkingarinnar fundar í dag kl. 10 á Hótel Nordica en fyrir fundinum liggur tillaga frá nokkrum flokksmönnum flokkurinn haldi að nýju landsfund í vor, en aðeins örfáir mánuðir eru frá síðasta landsfundi.

Vilja flokksmennirnir með þessu að forystan endurnýi umboð sitt. Meðal þeirra sem leggja tillöguna fram er Andrés Jónsson, almannatengill og fyrrverandi formaður Ungra jafnaðarmanna, en hann segir í Fréttaablaðinu að sátt sé að nást um að landsfundur verði haldinn í haust. Því sé mögulegt að tillagan verði dregin til baka, gegn því að slík sátt náist.

Skemmst er að minnast orða Össurar Skarphéðinssonar í viðtali við áramótablað Viðskiptablaðsins en þar kallaði hann eftir endurnýjun flokksforystunnar. Össur vill að flokkurinn endurnýi bæði stefnu sína og forystu fyrir næstu kosningar.