Alvöru stelpuslagur í Hollywood

Raunveruleikastjarnan Brandi Glanville vill ekki að kántrísöngkonan LeAnn Rimes komi nálægt sonum sínum, Mason og Jake, sem hún á með núverandi eiginmanni LeAnn, Eddie Cibrian.

Brandi brjálaðist þegar LeAnn skrifaði á Twitter-síðu sína að drengirnir væru hennar strákar. Brandi var ekki lengi að svara fyrir sig.

"Þeir eru strákarnir okkar Eddie og stjúpsynir þínir…eins og er," skrifaði hún á Twitter-síðu sína.

Brandi telur LeAnn ekki hæfa til að vera í kringum börnin sín en söngkonan er nýkomin úr þrjátíu daga meðferð vegna streitu.

"Mér finnst hún ekki vera í jafnvægi og ég vil ekki að hún sé í kringum börnin mín ef Eddie er ekki heima, eða barnfóstran, foreldrar hans, einhver," segir Brandi. Hún var ekki paránægð þegar Mason varð mjög veikur eftir að hann borðaði hægðalosandi lyf af slysni sem var í eigu LeAnn.

"Mason borðaði nammið hennar og varð mjög veikur. Nammið hennar er nefnilega hægðalosandi lyf. Ég brjálaðist."

Þú gætir unnið - vertu með okkur á Facebook.