Garðar í Búlgaríu hjá Ásdísi Rán

Garðar Gunnlaugsson fótboltamaður er staddur í Búlgaríu hjá Ásdísi Rán Gunnarsdóttur fyrirsætu og dóttur þeirra en þær búa þar í landi. Garðar og Ásdís skildu í febrúar á þessu ári eftir sex ára langt hjónaband. Saman eiga þau tvö börn, Hektor 6 ára og Victoriu 4 ára.

Lífið hafði samband við Ásdísi og forvitnaðist um heimsókn Garðars út.

"Hann kom hingað í smá frí til að hitta Victoríu og fá sér nýja Tattoo-sleave. Hann fer svo aftur á laugardaginn. Það er náttúrulega voða gott að hafa hann þar sem við mæðgurnar sjáum hann ekki oft og Victoría Rán voða happy að hafa pabba hjá sér," svarar Ásdís.

Þegar Garðar var spurður hvort það hafi verið sársaukafullt að láta húðflúra á sér handlegginn svaraði hann: "Þetta er auðvitað ekkert gott en mér finnst það heldur ekkert svo vont. Tattúið sem ég er með á bakinu var tíu sinnum sársaukafyllra enda stutt í bein þar. Erfiðasta við þetta var að sitja kyrr í næstum fjóra tíma."

"Ég var með gamalt tattú sem ég lét gera á mig þegar ég var sextán, Soulfly merki. Það var ekki alveg að lúkka eins vel núna og þá. Ég er búinn að spá í að láta bæta við það lengi eða jafnvel gera yfir það. Svo fann ég þessa geðveiku mynd af Óðni á netinu og fékk ábendingu frá vini hver er bestur í Búlgaríu að gera tattú, sagði Garðar fyrir ári síðan þegar við forvitnumst um nýja húðflúrið hans.