Réttarhöldin yfirborðskennd tilraun til þess að hvítþvo stjórnmálamenn

Ögmundur Jónasson sagði réttarhöldin yfir Geir H. Haarde yfirborðskennda tilraun til þess að hvítþvo stjórnmálin af hruninu. Þetta sagði hann á fjölmennum fundi sem Vinstri Græn í Reykjavík boðuðu til í kvöld en um 60 manns voru á fundinum, þar á meðal Guðfríður Lilja Grétarsdóttir, þingmaður.

Björn Valur Gíslason, formaður þingflokks VG, og Ögmundur héldu framsöguræður á fundinum, sem var hugsaður til þess að hreinsa andrúmsloftið, en ákvörðun Ögmundar um að kjósa gegn frávísunartillögu Bjarna Benediktssonar, um að afturkalla ákæru á hendur Geir H. Haarde, forsætisráðherra, hefur valdið mikilli úlfúð á meðal flokksmanna VG.

Ögmundur sagði uppgjörið við hrunið hafa falist í því að vinstriflokkarnir hafi komist til valda.