Forræðismál yfir Ellu Dís heldur áfram - bannað að ræða við fjölmiðla

Rögnu Erlendsdóttur, móðir Ellu Dísar, hefur verið meinað að ræða mál sín við fjölmiðla samkvæmt færslu sem hún skrifaði á Facebook síðu sína.

Ragna mætti fyrir dómstól í dag í Bretlandi, þar sem hún er búsett núna. Fréttastofan greindi frá því í síðustu viku að barnaverndaryfirvöld í Bretlandi vilja svipta Rögnu forræði yfir dóttur sinni.

Ragna fór fyrir rétt í London um miðja síðustu viku. Hún hafði þá mætt tvívegis fyrir dóm í Bretlandi vegna forræðisdeilu sem bresk og íslensk yfirvöld hafa höfðað gegn henni. Málinu var vísað til Royal High Court og var það tekið fyrir í dag.

Samkvæmt færslu Rögnu var niðurstaðan sú að réttarhöldin halda áfram næstu sex til níu mánuðina. Ekki hefur náðst í Rögnu vegna málsins.