Bara góðir vinir?

Cougar Town-stjörnurnar Courteney Cox og Brian Van Holt fengu sér hádegismat saman í Los Angeles í vikunni. Það ýtir enn frekar undir sögusagnir þess efnis að þau séu í raun par.

Þær sögur fóru fyrst á kreik fyrir tveimur árum þegar Courteney skildi við eiginmann sinn David Arquette. Courteney og Brian hafa hins vegar ekki sést saman svo mánuðum skiptir, nema á setti sjónvarpsþáttarins Cougar Town.

Brian leikur fyrrverandi eiginmann Courteney í þáttunum en fjórða sería af Cougar Town er væntanleg í sjónvarp.