Setur húsið á sölu

Samband leikkonunnar Oliviu Wilde og grínistans Jason Sudeikis er greinilega að verða mjög alvarlegt því Olivia er búin að setja heimili sitt í Los Angeles á sölu. Hún er flutt til New York til að vera nálægt ástinni sinni.

Olivia vill fá 2.495 milljónir dollara fyrir húsið, rúmlega þrjú hundruð milljónir króna.

Olivia keypti heimilið í mars í fyrra en hún byrjaði að deita Jason um síðustu jól eftir að hún skildi við eiginmann sinn til átta ára, kvikmyndargerðarmanninn Tao Ruspoli.

Húsið sem Olivia vill losna við er í spænskum stíl og er búið fjórum svefnherbergjum og þremur baðherbergjum. Í húsinu er enn fremur bókasafn og fjölmiðlaherbergi.