Greindist með krabbamein fjórum árum eftir að hún fór fyrst til læknis

Kona sem leitaði ítrekað til heimilislæknis síns vegna slappleika var sagt að rekja mætti hann til breytingarskeiðsins og send aftur heim án rannsókna. Fjórum árum eftir að hún fór fyrst til læknis greindist hún með alvarlegt krabbamein. Hún segir krabbameinssjúklinga oft þurfa að bíða lengi eftir greiningu.

Það var árið 2002 sem að Ingveldur Gísladóttir fór að finna fyrir mikilli þreytu og var slappleika. Þegar henni hafði liðið þannig um nokkurt skeið fór hún til heimilislæknis síns. Eftir skoðun sagði hann ekkert ama að henni.

„Þetta er bara aldurinn og þetta er bara breytingarskeiðið, þetta fylgir bara. Það er ekkert að þér," segir Ingveldur. Vanlíðanin hvarf þó ekki og hún leitaði því aftur og aftur til lækna. Í tvö ár eftir að hún leitaði fyrst til læknis var hún ekki send í neinar rannsóknir heldur bara gefið verkjalyf.

„Ég var búin að biðja heimilislækninn minn að skoða sérstaklega á mér nýrun því að móðir mín dó 43 ára gömlu úr nýrnasjúkdómi en hann hlustaði aldrei á mig. Ég fékk enga myndatöku."

Hún var þó send í blóðprufu tveimur árum eftir að hún leitaði fyrst til læknis og í framhaldinu var mergsýni tekin ekkert kom út úr þeim rannsóknum.

Á nýársdag árið 2006, fjórum árum eftir að hún fór fyrst til heimilislæknis síns, leitað hún svo á bráðamóttöku þar sem hún gat ekki losað sig við þvag. Þegar þvaleggur er settur upp fer að renna blóð og í framhaldinu var hún send í rannsóknir. Í ljós kom að hún var með krabbamein í nýrum og víðar í líkamanum.

„Nýrað var tekið og það liggur upp með hryggnum, nálægt mænunni, svo er það í lungum víða mjög dreift og í kringum lungum og í hálsinum." segir hún.

Ingveldur sagði sögu sína á fundi hjá Krabbameinsfélaginu um réttindi krabbameinssjúklinga í síðustu viku. Á fundinum höfðu fleiri svipaðar sögur að segja. En þeir töldu erfiðlega geta gengið að komast í ítarlegar rannsóknir þrátt fyrir vanlíðan í langan tíma. Ingveldur segir þetta oft eiga við um konur í kringum fimmtugsaldurinn.

„Ég þekki nokkuð marga, sérstaklega hef ég heyrt það í ljósinu, konur hafa sömu sögu að segja og ég að það hafi ekki verið hlustað á þær."

Ingveldur segir mikið hafa breyst þegar hún greindist með krabbameinið.

„Það er frábærlega búið að krabbameinssjúklingum hérna á Íslandi í dag þegar þeir greinast, það er mjög mikil hjálp. Ég lít allt öðrum augum á lífið í dag en ég gerði. Það skiptir mig ekki máli að það sé svona smá ryk í horni. Ég reyni að njóta hvers dags til hins fullnustu eins og ég get en óneitanlega setur þetta strik í reikninginn," segir hún að lokum.