Fólk þarf ekki að vera hrætt við að mæta í vinnuna á morgun

„Ég vil benda fólki á að líkurnar á svona árásum eru litlar og það þarf ekki að vera hrætt við að mæta í vinnuna á morgun. En það sem fyrirtæki þurfa nauðsynlega að gera núna, er að gera sig tilbúin fyrir þennan möguleika," segir Eyþór Víðisson öryggisfræðingur hjá VSI, öryggishönnun og ráðgjöf.

Eyþór er með BS gráðu í löggæslufræi frá Bandaríkjunum og MSc í öryggisstjórnun frá Englandi. Hann hefur starfað að öryggismálum í tæp 18 ár. Í samtali við þáttinn Reykjavík síðdegis á Bylgjunni í dag sagði Eyþór að ákveðin þróun hefur verið á málum sem þessum eftir efnahagshrunið í október 2008.

„Það sem við erum að sjá núna, og byggjum meira á tilfinningu en tölfræði, er að málum er að fækka, þau mál sem eru að koma núna inn á borð hjá lögreglu og fyrirtækjum eru orðin súr, og jafnvel orðin löng og gömul," segir hann.

Hann segir að forsvarsmenn fyrirtækja þurfi nú að meta fyrirtækið sitt og horfa á það umhverfi sem það starfar í eftir hrunið 2008. „Það þarf að gera sér grein fyrir þeim hættum sem getur fylgd þeim breytingum. Það er ekki nóg að gera þetta yfir kaffibollanum, það þarf að gera þetta skipulaga. Þetta heitir áhættumat. Maður byggir svo næstu skref á þessum áhættumati. Ég er ekki að tala um græjur, heldur verklag og öryggismenningu í fyrirtækjunum. Ég er að vinna með fjölmörgum fyrirtækjum sem að taka þetta mjög alvarlega, það er að segja öryggi starfsmanna. Það þarf að víkka hringinn nún."

Hægt er að hlusta á viðtali við Eyþór með því að smella á hlekkinn hér að ofan.