Sigríður vill efla lýðræðið innan Þjóðkirkjunnar

Sigríður Guðmarsdóttir, sóknarprestur í Grafarholti, ætlar að gefa kost á sér til embættis biskups. Hún segir að kirkjan þurfi alltaf á siðbót að halda og framundan sé mikil þörf á miklu umbótartímabili í Þjóðkirkjunni.

Á heimasíðu sinni segir hún að kirkjan sé mikilvægt afl í íslensku samfélagi og hún vilji leggja sitt að mörkum til þess að hún þroskist í takt við nýja tíma. „Til þess þarf táp og fjör, heilindi og hugrekki," segir hún.

Þá segir hún að breytingarnar í kirkjunni hverfist um fjögur verkefni:

„1. Samtal við þjóðina um trú og mannréttindi í fjölbreyttu samfélagi og að gera upp það sem aflaga hefur farið.

2. Styrkja tengslin við söfnuðina í landinu.

3. Dreifa valdi og efla lýðræði innan Þjóðkirkjunnar

4. Koma að breytingum á stjórnkerfi Þjóðkirkjunnar með endurskipulagningu stofnana, öflugri starfsmannastefnu og gagnsærri stjórnsýslu."

Þá segist hún að ef hún nái kjöri muni hún beita sér fyrir því að kosið verði að nýju innan sex ára til biskups Íslands þegar lútherska kirkjan hefur fagnað 500 ára afmæli siðbótanir.

Heimasíða Sigríðar.