Engill úðar í sig eftir tískusýningu

Ofurfyrirsætan Lily Aldridge tók þátt í tískusýningu Victoria's Secret á miðvikudaginn og sýndi líkamann eins og henni einni er lagið.

Lily eignaðist sitt fyrsta barn með rokkaranum Caleb Followill fyrir fimm mánuðum og lagði óheyrilega mikið á sig til að koma sér í form fyrir sýninguna.

"Ég borðaði svo mikinn lax síðustu tvo mánuði – þið mynduð ekki trúa því! Ég má ekki sjá lax næstu átta mánuðina, ég át svo mikið af honum. Ég get ekki beðið eftir að fá mér hamborgara," sagði Lily fyrir tískusýninguna.

Og hún gerði nákvæmlega það þegar tískusýningin var búin. Lily deildi mynd af matnum sínum á Instagram – sex hamborgurum og frönskum. "Komdu til mömmu," skrifaði módelið undir myndina.

Þetta getur ekki talist heilbrigður lífstíll.