Opinberar sig í nýrri mynd

Beyoncé Knowles þreytir nú frumraun sína í leikstjórastólnum og leikstýrir heimildarmynd um sjálfa sig. Í myndinni fá aðdáendur stjörnunnar að sjá áður óséð myndbönd af dívunni.

Í einu myndbandinu, sem Beyoncé tók upp á símann sinn, sést ber óléttubumban hennar en myndbandið var tekið upp löngu áður en hún tilkynnti það að hún væri ólétt.

Beyoncé hefur upplifað ýmsar tilfinningar við gerð þessarar einlægu heimildarmyndar.

"Hve mikið á ég að afhjúpa um sjálfa mig? Ef ég er hrædd, leyfi ég mér að vera hrædd," segir stjarnan.

Myndin verður frumsýnd á HBO þann 16. febrúar á næsta ári.

Þú gætir unnið - vertu með okkur á Facebook.